Mr.Khmer || News

ភ្នំពេញ-វាជារឿងគួរអោយហួសចិត្តមួយដែលធ្វើអោយប៉ូលីសខណ្ឌសែនសុខភ្ញាក់ផ្អើលជិះម៉ូតូខ្វាតខ្វែងស្វែងរកបុរសជាអ្នករត់ម៉ូតូឌុបម្នាក់ដែលបានដើរស្រែកឆោរឡោថាមានចោរវាយប្លន់យកម៉ូតូរបស់គាត់ តែការពិតពេលប៉ូលីសទៅដល់កន្លែងកើតហេតុហើយធ្វើការសួរនាំចុះឡើងៗដោយឃើញស្ថានភាពបុរសចំណាស់ជាអ្នកម៉ូតូឌុបម្នាក់នោះស្រវឹងស្រាខ្លាំងពេកនិយាយរកស្តាប់គ្នាមិនបាន ទើបពេលនោះប៉ូលីសបានសម្រេចចិត្តសួររកលេខទូរស័ព្ទប្រពន្ឋដើម្បីសួររកស្លាកលេខម៉ូតូដែលត្រូវចោរវាយប្លន់យកទៅនោះ ស្រាប់តែប្រពន្ឋឆ្លើយថាម៉ូតូរបស់ប្តីគាត់មិនត្រូវបានចោរវាយប្លន់យកឯលណាទេ គឺប្តីគាត់ទុកនៅក្នុងផ្ទះយូរហើយ ហើយក៏មិនបានជិះម៉ូតូទៅផឹកស៊ីជាមួយមិត្តភក្តិដែរ។ហេតុការណ៍នេះបានកើតឡើងកាលពីវេលាម៉ោង១២នឹង១៥នាទីរំលង់អាធ្រាត្រឈានចូលថ្ងៃទី១៨ ខែមិនា ឆ្នាំ២០១៥ នៅចំណុចមុខបុរីសែនសុខ តាមបណ្តោយផ្លូវ៥៩៨ ស្ថិតក្នុងសង្កាត់ភ្នំពេញថ្មី ខណ្ឌសែនសុខ។

បុរសចំណាស់ជាអ្នករត់ម៉ូតូឌុបម្នាក់ស្រវឹងស្រាដល់ថ្នាក់វង្វេងវង្វាន់ស្មារតី ទុកម៉ូតូនៅឯលផ្ទះ បែរជាដើរស្រែកតាមផ្លូវថាត្រូវចោរវាយប្លន់យកម៉ូតូ

កាលបរិច្ឆេទ 3/21/2015 01:41:00 PM

តាមការព្រមព្រៀង ក្នុងការទិញយកផ្នែកឧបករណ៍ និងសេវាកម្មរបស់ក្រុមហ៊ុន Nokia ជាមួយ Microsoft នោះ។ ក្រុមហ៊ុន Microsoft នឹងទិញយកទាំងពីរម៉ាកបន្ថែមទៀតគឺ "Asha" និង "Lumia" របស់ក្រុមហ៊ុន Nokia ។ ប៉ុន្តែ ម៉ាកក្រុមហ៊ុន Nokia នឹងនៅតែជាកម្មសិទ្ធិរបស់ក្រុមហ៊ុនទូរស័ព្ទហ្វាំងឡង់ដដែល។

ទោះជាយ៉ាងណាក្រុមហ៊ុន Nokia នឹងមិនបន្តផលិតទូរស័ព្ទទំនើប (សូម្បីតែ ឈ្មោះយីហោថ្មី) នៅពេលអនាគត។ កិច្ចព្រមព្រៀងរវាងក្រុមហ៊ុន Microsoft និងក្រុមហ៊ុន Nokia គឺមានរយៈពេល 10 ឆ្នាំ។

នេះមានន័យថា គ្រប់ទូរស័ព្ទ smartphone ថ្មីរបស់ Nokia នៅពេលខាងមុខនេះ នឹងប្រើសុទ្ធតែកម្មវិធី Windows Phone របស់ Microsoft ទាំងអស់ ដែលសម្ភារៈបរិក្ខា និងផ្នែកសេវាកម្ម ផលិតឡើងដោយ Nokia (ឥឡូវជាផ្នែកមួយរបស់ Microsoft) ។

ដូច្នេះ ដោយផ្អែកតាមកិច្ចព្រមព្រៀង ទូរស័ព្ទ Lumia 1020 និង Asha 515 នេះ គឺជាគំរូចុងក្រោយបង្អស់ ដែលជាប់ឈ្មោះយីហោ Nokia ។

នេះចាត់ទុកថា ជាចុងបញ្ចប់របស់ Nokia "ធ្វើឲ្យឈឺចាប់" សម្រាប់វិស័យទូរស័ព្ទចល័ត ដែលមានមនុស្សជាច្រើនគាំទ្រ Nokia មានអារម្មណ៍សោកស្ដាយជាខ្លាំង៕

ប្រភព : KSN

គ្មានទៀតទេ Smartphone ម៉ាកយីហោ Nokia ក្នុងពេលអនាគត

ប្រភព : KSN

កាលបរិច្ឆេទ 9/04/2013 09:56:00 AM

ភ្នំពេញ ៖ កន្លងមក កញ្ញា ព្រីម លីហ្សា មិនសូវទទួលការងារក្នុងស្រុកប៉ុន្មានទេ ដោយសារតែនាងមានការមមាញឹក ការងាររកប្រាក់នៅក្រៅស្រុកហើយអាចរកចំណូលបានច្រើនជាងចំណូលក្នុងស្រុកទើបនាងមិនសូវអើពើទទួលការងារសម្ដែងក្នុងស្រុក ។ តែក្រោយពីនាង បានទទួលពានប្រជាប្រិយភាព ប្រចាំឆ្នាំនេះរួច គេសង្កេតឃើញថា នាងហាក់មានភាពប្រែប្រួល ដោយនាងបានផ្អាកការងារក្រៅស្រុក ដោយមានគម្រោងក្នុងការចេញថតរឿង ក្នុងពេលឆាប់ៗខាងមុខនេះ ។

ជួបជាមួយ LookingTODAY តាមទូរស័ព្ទ កាលពីពេលថ្មីៗកន្លងទៅនេះ កញ្ញា ព្រីម លីហ្សា បានប្រាប់ឲ្យដឹងថា បច្ចុប្បន្ននាងមានការមមាញឹក ជាមួយការងារច្រើនគួរសម ហើយពេលនេះត្រូវផ្អាកការងារចេញក្រៅស្រុកមួយរយៈសិន ព្រោះកំពុងតែ ជាប់ដៃថត ឈុតខារ៉ាអូខេ និងត្រៀមថតរឿងថ្មី ។

តារាស្រីរូបស្រស់កូនកាត់បីសាសន៍ ព្រីម លីហ្សា បានប្រាប់ឲ្យដឹងថា "ខ្ញុំមិនសូវទទួលការងារក្រៅស្រុកទេ ព្រោះថាកំពុងតែ ចាប់ផ្តើមការងារ ក្នុងស្រុក ដោយសារកន្លងមក ធ្លាប់មានម្ចាស់ផលិតកម្មទាក់ទងខ្ញុំច្រើន តែខ្ញុំតែងតែបដិសេធ មិនទទួល តែពេលនេះមានពេលទំនេរ អាចដកឃ្លាបាន ទើបទទួលថតរឿងថ្មី តែម្តងទៅ ..!" ។

កញ្ញា លីហ្សា បានប្រាប់ឲ្យដឹងថា នាងមិនទាន់ចង់បង្ហើបពីចំណងជើងរឿង ក៏ដូចជាពេលវេលាក្នុងការថតនិងការដាក់បញ្ចាំងទេ តាមពិតទៅនាង ក៏ចង់សាកល្បង ក្នុងការថតរឿងថ្មីមួយនេះដែរ ។ សង្ឃឹមថានឹងអាចទទួលបានការគាំទ្រពីទស្សនិកជន ក្រោយពីរឿងនោះថតចប់ដាក់បញ្ចាំង ចំពោះគម្រោងថតរឿងនេះ នាងមានចង់ថតយូរហើយ មិនមែនទើបតែបានពានហើយទើបចាប់ផ្តើម ចូលប្រឡូកក្នុងសិល្បៈខ្លាំងទេ ៕

ប្រភព : Lookingtoday

ព្រីម លីហ្សា ត្រៀមបង្ហាញវត្តមានក្នុងរឿងថ្មី ក្រោយទទួលបានពានប្រជាប្រិយភាព

ប្រភព : Lookingtoday

កាលបរិច្ឆេទ 9/04/2013 09:46:00 AM

ក្មេងប្រុសអាយុ៥ឆ្នាំម្នាក់បានក្លាយជាភីឡុតបើកយន្តហោះក្មេងបំផុតលើកដំបូងរបស់ពិភពលោក។ក្មេងប្រុស He Yideដែលមានរហស្សនាមថា Duoduoមកពីប្រទេសចិន បានធ្វើការហោះហើររយៈពេល ៣៥នាទីឆ្លងកាត់ឧទ្យានសត្វ Beijing Wildlife Park។

គ្រូជាអ្នកអង្គុយនៅពីក្រោយគាត់ ប៉ុន្តែក្មេងប្រុសម្នាក់នេះអាចបើកយន្តហោះដោយ មិនចាំបាច់មានអ្នកបង្គាប់គេនោះឡើយ។ ក្មេងប្រុសម្នាក់នេះបើកយន្តហោះធុន Bee 3ដែលមានទម្ងន់ត្រឹមតែ១០០គីឡូក្រាមតែ ប៉ុណ្ណោះ។

លោក He Lieshengដែលត្រូវជាឪពុកក្មេងប្រុស និងជាអ្នកគ្រប់គ្រងក្រុមហ៊ុនវាយនភណ្ឌមួយនៅទីក្រុង ណានជីង បានចំណាយលុយ៣០០០០យ៉ន់(ស្មើនឹង៣១៥៣ផោន)សម្រាប់បង្រៀនបើកបរយន្តហោះនេះ។

លោក He Lieshengក៏បានបង្ហោះវគ្គហ្វឹកហ្វឺនរបស់កូនប្រុសលោកផងដែរ។ ការហ្វឹកហ្វឺននៅក្នុងការហោះហើរ កីឡា និងគណិតវិទ្យា ក្មេងប្រុស Duoduoត្រូវក្រោកពីព្រឹកម៉ោង៤និង៣០នាទី និងឲ្យមកដល់ព្រលានយន្តហោះម៉ោង៥ ជារៀងរាល់ថ្ងៃ។ ឪពុករបស់ក៏ទទួល បានរហស្សនាមEagle Dadផងដែរ ក្រោយពេលលោកហ៊ានចំណាយលុយឲ្យកូនរៀនបើកយន្តហោះបែបនេះ។

មិនតែប៉ុណ្ណោះនេះទេ ក្មេងប្រុសអច្ឆរិយៈម្នាក់នេះថែមទាំងចេះបើកទូកក្តោង និងឡើងភ្នំហ្វ៊ូជី នៅប្រទេសជប៉ុន អំឡុងពេលមានព្យុះភ្លៀងទៀតផង។

មានពេលម្តងនោះកាលពីឆ្នាំមុន លោក Eagle Dadមានការខឹងសម្បាយ៉ាងខ្លាំងពេលដែលមានវីដេអូ មួយឃើញគាត់បង្ខំកូនប្រុសខ្លួនឯងដើរស្រាតកាត់ព្រិលក្នុងសីតុណ្ហភាព-១៣អង្សាសេនោះ៕

ប្រភព : កម្ពុជាថ្មី

ក្មេងប្រុសអាយុ៥ឆ្នាំក្លាយជាភីឡុតយន្តហោះលើកដំបូងរបស់ពិភពលោក

ប្រភព : កម្ពុជាថ្មី

កាលបរិច្ឆេទ 9/04/2013 09:37:00 AM

ភ្នំពេញ៖ តារាចម្រៀងសាច់សខ្ចី កញ្ញា សាសា មួយរយៈមុននេះ ត្រូវបានគេមើលឃើញថា នាងជាតារាស្រីមួយដួង ក្នុងចំណោមតារាស្រីដទៃទៀត ដែលទទួលបានការគាំទ្រយ៉ាងច្រើនគួរសម តាមរយៈសមត្ថភាពនៃការច្រៀង និងរូបសម្រស់ដ៏ស្រស់សោភា។ ប៉ុន្តែអ្វីដែល ធ្វើឱ្យគេមានការចាប់អារម្មណ៍នោះ គឺមួយរយៈចុងក្រោយនេះ ហាក់ដូចជាបាត់វត្តមានរបស់ សាសា ពីសិល្បៈឈឹងតែម្តង។

ស្របពេលជាមួយគ្នា នឹងការអវត្តមាន មិនសូវឃើញបង្ហាញមុខនៅក្នុងសិល្បៈ របស់កញ្ញា សាសា ថ្មីៗនេះស្រាប់តែមាន លេចឮព័ត៌មាន ដ៏រសើបមួយមកថា កញ្ញា សាសា កំពុងតែមានលោកឧញ៉ាធំម្នាក់តាមប្រម៉ាញ់ ចង់បានបេះដូងរបស់នាងយកទៅឃុំគ្រងធ្វើជាម្ចាស់ចិត្ត ។ មិនតែប៉ុណ្ណោះ លោកឧកញ៉ាម្នាក់នោះ ក៏មានបំណងធានា ក្នុងការជួយជ្រោមជ្រែង ឧបត្ថម្ភដល់ការរស់នៅ របស់កញ្ញា សាសា ទៀងផង ។ បើសិនជានាងយល់ព្រមឆ្លើយថា ទទួលយកស្នេហ៍ពីខ្លួននោះ។

ប្រភពដដែល បាននិយាយបន្តថា លោកឧកញ៉ាទ្រព្យស្តុក ក្នុងស្រុកខ្មែរម្នាក់នេះ បានព្យាយាមតាមស្រឡាញ់ កញ្ញា សាសា ជាយូរខែឆ្នាំ មកហើយ។ ប៉ុន្តែគេនៅមិនទាន់ដឹងច្បាស់ នៅឡើយទេថា តើ សាសា យល់ព្រមទទួលយកស្នេហ៍ពីឧកញ៉ាម្នាក់នេះ ឬមួយយ៉ាង? ព្រោះថាមុនៗ សាសា តែងតែធ្វើការបដិសេធ ចំពោះសំណើរសុំស្នេហ៍ ពីបុរសៗអ្នកមានទ្រព្យជាច្រើនមកហើយ។

ជុំវិញព័ត៌មានខាងលើនេះគេហទំព័រ LookingTODAY មិនទាន់អាចធ្វើការទំនាក់ទំនង ដើម្បីធ្វើការសាកសួររឿងនេះ ពីកញ្ញា សាសា បាននៅឡើយទេ ព្រោះលេខទូរស័ព្ទ ដែលនាងធ្លាប់ប្រើមិនអាចទាក់ទងបាន។ ដូច្នេះ LookingTODAY រង់ចាំស្វាគមន៍ជានិច្ច ចំពោះវត្តមានចេញមុខមកបំភ្លឺ ជុំវិញការលេចឮព័ត៌មានខាងលើនេះ ពីសំណាក់កញ្ញា សាសា នៅពេលក្រោយ។

តារាចម្រៀងស្រីវ័យក្មេង និយមខាងធ្វើខ្លួនបែបសិចស៊ី កញ្ញា សាសា មួយរយៈពេលចុងក្រោយនេះ ត្រូវបានទស្សនិកជន គ្រប់មជ្ឈដ្ឋាន មើលឃើញថា នាងហាក់ដូចជាបានបាត់វត្តមានឈឹងតែម្តង ពីវិស័យសិល្បៈ។ ខណៈមុននេះបន្តិចមានព័ត៌មានលេចឮថា នាងចង់ផ្អាក ពីសិល្បៈ ដោយមិនដឹងពីមូលហេតុច្បាស់៕