សមាជិកសភាម្នាក់បាននិយាយកាលពីថ្ងៃព្រហស្បតិ៍ទី២៩ ខែសីហាថា កោះតៃវ៉ាន់មានផែនការចំណាយប្រាក់១០០លានដុល្លារដើម្បីកសាងកំពង់ផែដ៏ធំមួយគ្រប់គ្រាន់សម្រាប់នាវាចម្បាំងចូលចត នៅដែនកោះស្ប្រ៉ាតលី ដែលមានជម្លោះ។
ផែនការ នេះត្រូវបានដាក់ជូនទៅសភាកាលពីថ្ងៃព្រហស្បតិ៍ ដោយឆ្មាំឆ្នេរសមុទ្រ ដែលនិងមានតម្លៃ៣.៤ពាន់លានដុល្លារតៃវ៉ាន់ (១១២.៤លានដុល្លារ)។ ប្រភពបាននិយាយថា ផែនការចំណាយនេះត្រូវបានគេរំពឹងថា នឹងទទួលបាននូវការយល់ព្រម។
ផែនេះនិងត្រូវបានធ្វើឲ្យល្អប្រសើរនូវសំណង់ដែលលយទៅក្នុងទឹកដែលមានស្រាប់នៅកោះតៃពីងដែលត្រួតត្រាដោយតៃវ៉ាន់ និងជាកោះដែលធំបំផុតនៅស្ប្រ៉ាតលី។ គេគ្រោងថា ផែនេះនឹងដំណើរការនៅក្នុងឆ្នាំ២០១៦។
សមាជិកសភាលីន យូហ្វាង បាននិយាយនៅក្នុងសេចក្តីថ្លែងការណ៍មួយថា «អាជ្ញាធរសន្តិសុខជាតិបាន សម្រេចដើម្បីអភិវឌ្ឍគម្រោងនេះ ខណៈដែលប្រទេសផ្សេងៗទៀតនៅក្នុងតំបន់បានបង្កើតការដាក់ពង្រាយ កងទ័ពជើងទឹក និងជើងអាកាសរបស់ពួកគេ នៅក្នុងរយៈពេលប៉ុន្មានឆ្នាំ កន្លងមកនេះ ដែលធ្វើឲ្យស្មុគស្មាញ ថែមទៀតនូវបញ្ហានេះ»។
លោកលីនបានបន្តថា នៅពេលកំពង់ផែនេះ សាងសង់ហើយរួចរាល់ នាវាផ្គត់ផ្គង់ដ៏ធំនិងនាវាចម្បាំង តូចៗនិងមានលទ្ធភាពដើម្បីចូលចត។ លោកលីនជាសមាជិកសភាមកពីគណបក្សគូមីងតាំង ដែលស្ថិតនៅក្នុងគណៈកម្មាធិការការពារសភា។
សំណង់ផែបច្ចុប្បន្ននេះ ចូលចតបានតែទូកយាមល្បាតតូចៗ។ លោកលីនបានបន្ថែមថា នៅពេលដែលការងារផែ បានសង់ហើយនោះ ផ្លូវយន្តហោះរត់នៅតែពីង និងត្រូវបានពង្រីកទៀត។ តៃវ៉ាន់បានកសាងផ្លូវយន្តហោះរត់ប្រវែង១១៥០ ម៉ែត្រនៅតែពីង នៅពាក់កណ្តាលឆ្នាំ២០០៦ ទោះបីជាមានការតវ៉ាពីប្រទេសផ្សេងទៀតជាមួយនឹងការទាមទារ ចំពោះក្រុមកោះដែលមានជម្លោះនេះក៏ដោយ។
ប្រទេសវៀតណាម ប្រ៊ុយណេ ចិន ម៉ាឡេស៊ី ហ្វីលីពីន និងកោះតៃវ៉ាន់ បានទាមទារក្រុមកោះនេះទាំងអស់ ឬ ក៏ទាមទារខ្លះ នៃកោះស្ប្រ៉ាតលីដែលសម្បូរទៅដោយប្រេងនេះ។ ប្រទេសជាអ្នកទាមទារទាំងអស់នេះ លើកលែងតែប្រទេសប្រ៊ុយណេចេញ គឺមានមូលដ្ឋានកងទ័ព នៅផ្នែកខ្លះនៃទីប្រជុំកោះនេះ ដែលមានចំនួនជាង ១០០កោះតូចៗ ថ្មប៉ប្រះទឹក និងកន្លែងមានទឹកនៅកណ្តាលនិងមានជាថ្មដុះជុំវិញ៕
